2：00…我先剛剛打完波返屋企，執D野（我竟然記得帶紙筆），換對鞋，拿拿聲出發，向中環前進！gogogo！
一落中環站，我已經跟住個水牌行，點知…我出「交易廣場」個出口時，淨係見到個巴士總站，又見唔到咩tvb喎，嚇到我呀，完全呆晒，幾驚個煞科取消左呀！
唯有，上ifc去個廁所先啦（我真係好興奮，免得中途掃興啦~），結果最終，都係要打電話找爸求救=.=
3：00…我終於到啦！（我依家好後悔咁遲先到，好似錯過左好多呢~~~）
一去到見到好多人，但完全搵唔到畢打自己人，於時決定上樓梯睇清楚D，點知，就讓我見到有一班自己人做緊訪問（有ms, 包公，堅姐等等等），呵呵~~ 訪問一完，大部分自己人都落番去，得macro一人俾人捉住（或許係我淨係見到佢），咁我當然「不甘示弱」——搵佢簽埋一份啦！（我承認，在今次活動中，我已經拋開晒甚麼害羞、矜持、無膽…）
簽完之後就開始正式埋位，然後我又被工作人員趕番落去，喺攝攝攝攝之下，率之在企到下層既第二排…
登登登登，開始跳lu‘無人完美 然而除非…. ’ 經過好幾次排位後，最後既全體shot很快就正式拍完，演員們拍手，然後擁抱，再拍手，再擁抱…
p.s. 佢地埋位時，我見到社長好似好累，無哩精神，我仲以為幕後既佢原來係咁疲倦既，一D都唔似幕前，之後見到佢打晒呵欠，我就以為佢要開工或者登台，幾晚無瞓覺，跟著見到佢搓晒手，好似好凍咁，我諗「嘩，咁社長咁羸弱既…」，一分鐘之後，謎底解開，我左前邊既人講「aiya，佢好似好凍喎！」，左邊人又講「係呀，佢病左呀！」左邊隔離嗰個再講「我頭先見到佢飲藥水（我os：我又要見呀！！）」噢，原來如此！點解我可以諗左咁多個都無個中架！？
（太大篇啦，下回繼續…）
.gif)